ළා...හිරු පායන හිිමිදිරි උදයක

කුරුළු ගී නද සවනත  වැහෙන

සුසිනිදු සේදවලා සේ      දිදුලන

සුන්දර දියඇලි කඳුහෙල් සිඹිමින් 

ගලා හැලෙන ඒ නිල් දියවර අතරේ

කඳුහෙල් මුකුලිත තුරුලිය වන ගෙමුවක

විරාජමාන වූ අපගේ විදුමෑණියන්ගේ

පායුග සිප වැළඳ ගනිමින්...

දෑත් දිගුකර මව් සෙනෙහස පිරී

ගුරු ගෙදරම ඒකාලෝක කරමින්

මල් ගොමුවක සිරි ගෙන ආවෝය...

 

අවට සිසාරා දසකින් පියන ආ සුදු පරෙවියන් 

රෑනක් මව් තුරුලේ සෙනෙහස විදිමින් 

විදු නුවණින් විශ්වය ජය ධජ නංවන්නට

දිරිය බලය , සවිය දුන් එ මව් ගුණයට 

දීඝායු පතනෙමු...................

එදා මෙදා තුර අකුරු කෙරූ

සරසවි කිරුළු හිමි ශාස්ත්‍රපති 

දුවා දරුවන්....................

 

ජය කෙහෙලි නංවමින් ඔල්වරසම් හඬ අතරින්

ගිණිසිළුව ඇතැතිව මිහිකත කිරුළු පළදවමින්

ඌවේ අභිමන් විරු දරු දස්කම් .......

රන් අකුරෙන් ඉතිහාස පොතේ....

පිටුවක් සැරසූ ලක්දරුවන් බිහිකල

බ/මීගහකිවුල ජාතික තක්ෂලාව

සඳා නොමැකෙන අමරණිය සිහිවටනයකි........... 

 

ගීත මිහිරියාවෙන් , ලාලිත්‍ය නර්තනයෙන් හා රංගනයෙන් ද

විදුමව්ට උත්සව සිරියෙන් මුසු කරමින්ද , රූ රටා සිත් රද

නිමැවුමෙන් දිරිය දියණියක් අහන් ගැබ සිසාරා මව් රටෙන්

එතෙරට පියඹා යන්නට වරම් හිමිකරගත් වාසනා මහිමයක

උරුමයද අප විදුහලට හිමිවීම ආශිර්වාදයකි.

 

හිරු මෝදු වීගෙන හිනැහෙන හෙට දවස

බලාපොරොත්තු ඉටුකරන ජාතියක අභිමානීය

කිරුළ ලක් දූ පුතුන් අතර සුරැකිව

වැජඹෙවා යැයි මාගේ ඒකායන ප්‍රාර්ථනයයි.

 

 

---- චිරං ජයතු ----

 

නියෝජ්‍ය විදුහල්පති,

T.M.M.K.තෙන්නකෝන් 

මීගහකිවුල ජාතික පාසල.